മറ്റെല്ലാ മേഖലകളിലുമെന്നപോലെ സ്റ്റാർട്ടപ്പ് രംഗത്തും വനിതാ മുന്നേറ്റം തന്നെയുണ്ടായി. സ്ത്രീകൾ നേതൃത്വം നൽകുന്നതോ സ്ത്രീകൾ മാത്രം ചേർന്ന് രൂപം നൽകിയതോ ആയ സ്റ്റാർട്ടപ്പ് കമ്പനികളുടെ വളർച്ച വേഗത്തിലായി. ഇന്ത്യയിലെ സ്ത്രീകൾ നയിക്കുന്ന ടെക് സ്റ്റാർട്ടപ്പുകൾ എക്കാലത്തെയും ഫണ്ടിം​ഗിൽ അമേരിക്കയ്ക്ക് ശേഷം രണ്ടാം സ്ഥാനത്താണ് എന്ന് ഒരു പുതിയ റിപ്പോർട്ടുകൾ പറയുന്നത്. സ്ത്രീകൾ നയിക്കുന്ന ടെക് സ്റ്റാർട്ടപ്പുകൾക്കുള്ള ഫണ്ടിംഗിൽ ഇന്ത്യ രണ്ടാം സ്ഥാനത്ത്. സ്ത്രീകൾ നയിക്കുന്ന ബിസിനസുകൾ ഇതുവരെ 2.3 ലക്ഷം കോടി രൂപയിലധികം ഫണ്ടിം​ഗ് നേടി. ഫണ്ടിം​ഗിൽ ഒന്നാം സ്ഥാനത്ത് യുഎസ് ആണ്. 2021 ൽ സമാഹരിച്ച ഏറ്റവും ഉയർന്ന തുക 6.3 ബില്യൺ ഡോളറാണ്. രാജ്യത്തെ മൊത്തം സജീവ സ്റ്റാർട്ടപ്പുകളുടെ 7.5% സ്ത്രീകളുടെ നേതൃത്വത്തിലുള്ള 7,000-ത്തിലധികം സ്റ്റാർട്ടപ്പുകളാണെന്ന് സ്റ്റാർട്ടപ്പ് റിസർച്ച് ആൻഡ് അനലിറ്റിക്സ് സ്ഥാപനമായ ട്രാക്ക്സൻ പറയുന്നു. സ്ത്രീകൾ നയിക്കുന്ന സ്റ്റാർട്ടപ്പുകളുടെ എണ്ണത്തിലും ഇന്നുവരെ സമാഹരിച്ച മൊത്തം ഫണ്ടിലും ഇന്ത്യയുടെ ഐടി ഹബ് ബെംഗളൂരു ഒന്നാം സ്ഥാനത്തും മുംബൈയും ഡൽഹി-എൻ‌സി‌ആറും തൊട്ട് പിന്നാലെയുണ്ടെന്ന്ട്രാക്ക്സൻ റിപ്പോർട്ട് ചെയ്തു.